ԵԱԿ-ն ներկայացրել է տեղական ինքնակառավարման մարմինների ընտրությունների ծրագիրը

«Ենի Ազերբայջան» կուսակցության (ԵԱԿ) կենտրոնական գրասենյակում՝ տեղական նախընտրական շտաբների նախագահների մասնակցությամբ խորհրդակցություն է անցկացվել՝ կապված 2025 թվականի հունվարի 29-ին կայանալիք  համայնքային ընտրությունների հետ։
 
Ինչպես հաղորդում է Caliber.Az-ը` ԵԱԿ-ին հղումով, նշվել է, որ 118 ընտրատարածքներում, որտեղ անցկացվելու են տեղական ինքնակառավարման մարմինների ընտրություններ՝ ԵԱԿ-ի կողմից առաջադրված բոլոր թեկնածուները գրանցվել են:
 
Այնուհետև քննարկվել է՝ ԵԱԿ խորհրդի 2024 թվականի դեկտեմբերի 2-ի որոշմամբ հաստատված միջոցառումների ծրագրի կատարման ընթացքը։ Նշվել է, որ նախատեսված բոլոր միջոցառումներն իրականացվել են ժամանակին և կազմակերպված, տեղական ընտրական շտաբների գործունեությունը արժանացել է դրական գնահատականի։
 
Մտքերի փոխանակում է տեղի ունեցել՝ հունվարի 6-ին մեկնարկող նախընտրական քարոզչության փուլում առաջիկա անելիքների կատարման շուրջ, տրվել են համապատասխան հանձնարարականներ ու առաջարկություններ։ Տեղական ընտրական  շտաբների նախագահներին ներկայացվել են՝ ԵԱԿ կենտրոնական գրասենյակի կողմից պատրաստված ընտրական ծրագիրը և քարոզչական այլ նյութեր: