Եգիպտոսի նախագահը ադրբեջանցի գիտնականին պարգևատրել է շքանշանով

Եգիպտոսի նախագահ Աբդուլ Ֆաթթահ ալ-Սիսին` ադրբեջանցի հետազոտող և գիտնական Սեյմուր Նասիրովին պարգևատրել է «Գիտություն և արվեստ» առաջին աստիճանի շքանշանով։
 
Report-ի փոխանցմամբ՝ այս շքանշանը, որը անձամբ հանձնում է Եգիպտոսի նախագահը, շնորհվում է ականավոր գիտնականներին և լուսավորիչներին՝ գիտության զարգացման և տարածման գործում ունեցած բացառիկ ծառայությունների համար։
 
Ս. Նասիրովը ղեկավարում է Եգիպտոսում ադրբեջանական սփյուռքը, Եգիպտոս-Ադրբեջան բարեկամության ընկերության խորհրդի նախագահն է, ադրբեջաներենի դասախոս Կահիրեի համալսարանում և Ադրբեջանցի գիտնականների համաշխարհային միության համահիմնադիր և համանախագահ։ Ավելի քան 25 տարի նա ուսումնասիրում է Ադրբեջանի մասին արաբական աղբյուրները և երկու գրքի հեղինակ է ադրբեջանական ծագում ունեցող ավելի քան 250 գիտնականների մասին։ Նրա հոդվածները և գիտական ​​ու հասարակական գործունեությունը հրապարակվում և լայնորեն լուսաբանվում են արաբական լրատվամիջոցներում։