Էրդողան. Մենք մեծ հետաքրքրությամբ հետևում ենք Բաքվի և Երևանի խաղաղության ուղղությամբ առաջընթացին

Թուրքիան ուշադիր հետևում է՝ Ադրբեջանի և Հայաստանի միջև խաղաղության համաձայնագրի կնքման շուրջ բանակցությունների ընթացքին և ակտիվորեն ներգրավված է այս գործընթացում։
 
Այս մասին հայտարարել է Թուրքիայի նախագահ Ռեջեփ Թայիբ Էրդողանը, որի խոսքերը մեջբերել է «Անադոլու» գործակալությունը։
 
«Մենք մեծ հետաքրքրությամբ հետևում ենք իրավիճակի զարգացմանն ու Ադրբեջանի և Հայաստանի միջև խաղաղության ուղղությամբ առաջընթացին։ Թուրքիան նույնպես անհրաժեշտ ներդրում է կատարում և պատրաստ է շարունակել այս աշխատանքը։ Խաղաղ կարգավորումը օգտակար կլինի ինչպես Ադրբեջանի, այնպես էլ Հայաստանի, ինչպես նաև մեր երկրի համար», - ասել է Թուրքիայի առաջնորդը։