Ֆիլիպիններն ու Ադրբեջանը բարեկամության և մշակույթի օրեր կանցկացնեն

Ֆիլիպիններում և Ադրբեջանում երկու երկրների բարեկամության և մշակույթի օրեր կանցկացվեն։

Այս մասին Report-ին ասել է՝ Ադրբեջանում, Թուրքիայում և Վրաստանում Ֆիլիպինների դեսպան Հենրի Ջ. Բենսուրտոն։
 
Դիվանագետը նման միջոցառումների կազմակերպումը համարում է իր առաքելության մի մասը. «Մենք կազմակերպեցինք Ֆիլիպինների և Թուրքիայի բարեկամության օրերը և համերգ Անկարայում: Նման միջոցառումները կարևոր դեր են խաղում մեր ժողովուրդների մերձեցման գործում: Եվ մենք շարունակում ենք ջանքեր գործադրել այդ միջոցառումները Բաքվում կազմակերպելու համար»:
 
Դեսպանը, որը նաև համակարգում է Ֆիլիպինների և Ադրբեջանի միջև միջխորհրդարանական հարաբերությունների զարգացումը, ընդգծել է, որ այս ոլորտում հարաբերությունները բավարար են։