Ֆրանսիայի դեսպանին կանչել են Ադրբեջանի ԱԳՆ, բողոք է հայտնվել նրան

Նոյեմբերի 20-ին Ադրբեջանում Ֆրանսիայի դեսպան Անն Բոյոնը կանչվել է արտաքին գործերի նախարարություն։ 

Ինչպես հայտնում է Caliber.Az-ը, այս մասին ասված է ԱԳՆ հայտարարության մեջ։ 

Հանդիպման ընթացքում նրան բողոք է հայտնվել Ֆրանսիայի գործողությունների դեմ, կապված՝ ՄԱԿ-ի Կլիմայի փոփոխության շրջանակային կոնվենցիայի (COP29)  համաժողովի 29-րդ նստաշրջանի նախաշեմին  և միջոցառման  ժամանակ Ադրբեջանի նախագահության հետ։

Մասնավորապես նշվել է Ֆրանսիայի կոչերի անընդունելիության  մասին՝ բոլկոտել ՄԱԿ-ի այս հեղինակավոր միջոցառումը, համաժողովին չմասնակցելու ֆրանսիական կողմի կոչերը բազմաթիվ պետությունների ղեկավարներին, ինչպես նաև ընդունված բանաձևի անընդունելիությունը, որն ընդունվել է  Եվրախորհրդարանում Ֆրանսիայի ջանքերով և պարունակում է անհիմն քննադատություն՝ COP29-ում Ադրբեջանի նախագահության և կլիմայի փոփոխության դեմ պայքարում մեր երկրի ջանքերի վերաբերյալ։ Բացի այդ, ընդգծվել է, որ Հայաստանին զանգվածաբար զինելու և այս երկրում միլիտարիզմն ու ռևանշիզմը խրախուսելու Ֆրանսիայի գործողությունները հարված են խաղաղ գործընթացին։ ԱԳՆ-ն Ֆրանսիայից պահանջել է դադարեցնել՝ Ադրբեջանի և կարգավորման գործընթացի դեմ ուղղված քայլերը։