Ֆուաթ Օքթայ. Ադրբեջանը ընդհարվել է ապատեղեկատվական լայնածավալ արշավի հետ

Ադրբեջանն այն երկրներից է, որը ընդհարվել է ամենալայն ապատեղեկատվական արշավի հետ։
 
Այս մասին Բաքվում՝ «Խորհրդարանների դերը հանրային դիվանագիտության մեջ. Ադրբեջանի և Թուրքիայի օրինակով» թեմայով կլոր սեղանի ժամանակ հայտարարել է՝ Թուրքիայի խորհրդարանի արտաքին կապերի կոմիտեի նախագահ Ֆուաթ Օքթայը։
 
Նրա խոսքով, ժամանակակից իրողությունների պայմաններում սոցիալական մեդիա դիվանագիտությունը դառնում է ավելի ու ավելի կարևոր ասպեկտ, քանի որ մարդիկ ամենաշատ տեղեկատվությունն ստանում են անմիջապես սոցիալական ցանցերից։
 
«Մենք պետք է պայքարենք ապատեղեկատվության դեմ. Եթե ​​մենք չկարողանանք վերահսկել տեխնոլոգիաների և արհեստական ​​ինտելեկտի զարգացումը, դա կբերի անհաղթահարելի հետևանքների։ Մենք միասին պայքարում ենք Ադրբեջանի դեմ գլոբալ արշավի դեմ»,- ասել է նա։