Գերմանիայում Ադրբեջանի դեսպանը հանդիպել է թուրք գործընկերոջ հետ

Գերմանիայում Ադրբեջանի դեսպան Նասիմի Աղաևը հանդիպել է՝ իր թուրք գործընկեր Գյոքհան Թուրանի հետ։
 
Ինչպես հաղորդում է Report-ը, այս մասին ադրբեջանցի դիվանագետը գրել է Х սոցիալական ցանցում:
 
«Ես շատ ուրախ եմ հանդիպել՝ Գերմանիայում եղբայրական Թուրքիայի նոր դեսպան Գյոքհան Թուրանի հետ։ «Բարի գալուստ Բեռլին», - նշել է Ն. Աղաևը:
 
Դիվանագետը չի հայտնել հանդիպման մանրամասները։
 
Նշենք, որ Գ.Թուրանը հունվարի 11-ին նշանակվել է Գերմանիայում Թուրքիայի դեսպան, իսկ 20 օր  հետո անցել  է իր պարտականությունների կատարմանը։ Նախկինում նա աշխատել է Թուրքիայի արտաքին գործերի նախարարությունում՝ որպես Արևելյան Եվրոպայի, Կովկասի և Կենտրոնական Ասիայի  վարչության գլխավոր տնօրեն։