Ղուկասյան. Ռոբերտ Քոչարյանը եղել է «Կռունկ» կազմակերպության անդամ

Բաքվի զինվորական դատարանում այսօրվա դատավարության ժամանակ  մեղադրյալ Արկադի Ղուկասյանը  արտահայտվել է նաև՝  Հայաստանի նախկին նախագահ Ռոբերտ Քոչարյանի մասին։

Ինչպես հաղորդում է AZERTAC-ը, Արկադի Ղուկասյանը հայտնել է, որ 1988 թվականին Ղարաբաղում տեղի ունեցած հանրահավաքների հիմնական զեկուցողը՝ Արկադի Մանվելովիչ Մանուչարովն էր։
 
«Ես չեմ հիշում Ռոբերտ Քոչարյանի ելույթները: Քանի որ մենք ռուսերեն ենք սովորել, նա, ինչպես և ես, խնդիրներ ուներ գրական հայերենի հետ կապված։ «Հնարավոր է, որ նա եղել է հանրահավաքների կազմակերպիչներից մեկը, քանի որ եղել է «Կռունկ» կազմակերպության անդամ»,- պատմել է Ղուկասյանը։