Գլխավոր դատախազությունը՝ Հայաստանում հարյուրավոր ադրբեջանցիների սպանության մասին 1987-ից մինչև 1991թթ

Հայաստանից վերջին արտաքսման ժամանակ 1987-1991 թվականներին սպանվել է 216 ադրբեջանցի,  տուժող  է ճանաչվել 6522 մարդ։
 
Ինչպես հաղորդում է Report-ը, այս մասին հայտարարել է՝ Գլխավոր դատախազության քննչական վարչության պետի տեղակալ Գասըմ Մամեդովը խորհրդարանում՝ «Անվտանգ և արժանապատիվ վերադարձ Արևմտյան Ադրբեջան» թեմայով լսումների ժամանակ։
 
Նրա խոսքով, հետաքննության շրջանակներում արևմտյան ադրբեջանցիների դեմ կատարված հանցագործությունները պայմանականորեն բաժանվում են չորս ժամանակաշրջանների՝ 1905-1907, 1918-1920, 1947-1953, 1987-1991 թթ. Մամեդովն ասել է, որ այս ժամանակահատվածում մեծ թվով ադրբեջանցիներ են սպանվել և ենթարկվել հարկադիր վերաբնակեցման։
 
Մամեդովն ասել է, որ միայն 1987-1991 թվականներին կատարված հանցագործությունների արդյունքում՝ ավելի քան 250 հազար արևմտյան ադրբեջանցիներ ստիպված են եղել լքել իրենց տները։

«Քննչական նյութերով պարզվել է նաև, որ այս ընթացքում զոհվել է 216 մարդ, տուժող է ճանաչվել 6522 մարդ»,- ասաել է նա։
 
Գլխավոր դատախազության ներկայացուցիչն ընդգծել է, որ արևմտյան ադրբեջանցիների դեմ հանցագործությունների հետաքննության կարևոր կողմերից մեկը՝ ապացույցների հավաքումն է։
 
«Այս փուլում մենք փորձում ենք այդ հանցագործությունների կատարումը հաստատող հավաստի ապացույցներ հավաքել մեկ կենտրոնում՝ քրեական գործի նյութերում։ Միաժամանակ միջազգային իրավական օգնության մասին հարցումներ են ուղարկվել արտասահմանյան տարբեր երկրներ, մի շարք դեպքերում ստացվել են անհրաժեշտ փաստաթղթեր»,- ասել է Մամեդովը։