Համայնքը ԵԽԽՎ-ից պահանջում է դադարեցնել երկակի ստանդարտները Ադրբեջանի նկատմամբ

 Արևմտյան Ադրբեջան համայնքը (ԱԱՀ) Եվրոպայի խորհրդի խորհրդարանական վեհաժողովի (ԵԽԽՎ) պատգամավորներից պահանջել է՝ դադարեցնել երկակի ստանդարտները Ադրբեջանի նկատմամբ։

Ինչպես հաղորդում է Caliber.Az-ը, այս մասին ասվում է համայնքի հայտարարության մեջ։ Նշվել է, որ որոշ ուժեր որոշակի շրջանակների խնդրանքով ԵԽԽՎ-ում լայնածավալ քարոզարշավ են սկսել Ադրբեջանի դեմ՝ ռասայական խտրականության հիման վրա, ինչի արդյունքում ադրբեջանական պատվիրակությունը որոշել է դադարեցնել իր գործունեությունը վեհաժողովում։ 

«2024 թվականի հունվարի 24-ին ԵԽԽՎ-ի կողմից ընդունված հակաադրբեջանական բանաձևը  հանդիսանում է այս խայտառակ քարոզարշավի գագաթնակետը»: ԱԱՀ-ն պնդում է, որ ընթացող քարոզարշավի իրական շարժառիթը պարզ է դառնում բանաձևի տեքստից. «Ադրբեջանաֆոբները չեն կարող «մարսել» Ադրբեջանի կողմից իր  տարածքային ամբողջականության վերականգնումը»։ Համայնքում ընդգծել են  նաև, որ ադրբեջանական հողերի 30-ամյա օկուպացիայի ընթացքում ոչ մի բառ չասած, այսպես կոչված, մարդու իրավունքների «պաշտպանների» կողմնակալ հայտարարությունները ոչ մի արժեք չունեն Ադրբեջանի ժողովրդի համար։