Ջեյհուն Բայրամովը հարգել է՝ Սերբիայում ՆԱՏՕ-ի ռմբակոծությունների զոհերի հիշատակը

Ադրբեջանի արտգործնախարար Ջեյհուն Բայրամովը Սերբիա կատարած այցի շրջանակներում այցելել է՝ մայրաքաղաք Բելգրադում 1999 թվականին Հարավսլավիայի վրա ՆԱՏՕ-ի ռմբակոծության զոհերի հուշահամալիր:
 
Ինչպես հայտնում է Caliber.Az-ը, այս մասին արտաքին քաղաքական գերատեսչության ղեկավարը գրել է  սոցցանցի իր էջում:
 
«Սրտի ցավով այցելեցի 1999 թ. ռմբակոծությունների զոհ դարձած երեխաների հուշահամալիր և ծաղիկներ դրեցի նրա մոտ: Անընդունելի է ագրեսիան խաղաղ բնակչության, մասնավորապես՝ երեխաների նկատմամբ. Այս սարսափելի հանցագործությունների բոլոր մեղավորները պետք է պատասխանատվության ենթարկվեն»,- ասվում է հրապարակման մեջ։
 
Հիշեցնենք, որ այս երկրի Պետականության օրվա կապակցությամբ՝ Սերբական պալատում կազմակերպված ընդունելությանը Սերբիայի նախագահ Ալեքսանդր Վուչիչը՝ նախարար Ջեյհուն Բայրամովին էր հանձնել Սերբական դրոշի 1-ին աստիճանի շքանշանը։