Ջորջ Դիկ. Ադրբեջանը և Իսրայելը համագործակցում են անվտանգության և ահաբեկչության դեմ պայքարի ոլորտում

«Ժողովուրդների միջև բարեկամությունը թույլ է տվել Ադրբեջանին և Իսրայելին՝ կառուցել ամուր հարաբերություններ, որոնք զարգանում են տարբեր ուղղություններով»։
 
Ինչպես հաղորդում է Caliber.Az-ը, այս մասին՝ AnewZ հեռուստաալիքին տված հարցազրույցում հայտարարել է Ադրբեջանում Իսրայելի դեսպան Ջորջ Դիկը։
 
«Մեր նավթի մեծ մասը ստացվում է Ադրբեջանից։ Ինչպես գիտեք, ադրբեջանական SOCAR ընկերությունը այժմ պատրաստվում է մրցույթ հայտարարել՝ Իսրայելում գազի հետախուզման համար։ Երկրները համագործակցում են նաև՝ անվտանգության և ահաբեկչության դեմ համատեղ պայքարի ոլորտում։ Ավելի ու ավելի շատ ենք տեսնում համագործակցության զարգացումը մարդկանց, բիզնեսի, մշակույթի մակարդակով։
 
Կարծում եմ, որ անցյալ մարտին Իսրայելում Ադրբեջանի դեսպանատան բացումն իսկապես հիմք ստեղծեց՝ Ադրբեջանի համար ապրանքներ արտահանելու և իսրայելական ժողովրդին ադրբեջանական մշակույթը ներկայացնելու, ինչպես նաև մեր երկրների միջև կամուրջներ կառուցելու փորձի համար։ Չմոռանանք, որ Իսրայելում ապրում է 880.000 մարդ, ովքեր կապեր ունեն այստեղ, ընտանիքներ, կամ անցյալում ապրել են այստեղ կամ արտագաղթել: Այսպիսով, մեր ժողովուրդների միջև կա շատ ամուր կամուրջ, և այժմ մենք աշխատում ենք կամուրջների, բիզնեսի և մշակույթի ոլորտներում, և ես կարծում եմ, որ ուղիղ չվերթներն ու զբոսաշրջությունը հանդիսանում են հիմնական գործոնները:
 
Շնորհավորում եմ AZAL-ին նոյեմբերի 30-ից Իսրայել ուղիղ չվերթները վերականգնելու որոշման կապակցությամբ։ Սա շատ լավ նշան է երկրների միջև հարաբերությունների ամրապնդման համար։  Կածում եմ, որ 12 ամսից հետո, մենք ավելի լավ վիճակում կլինենք՝ ամրապնդելով մեր ռազմավարական հարաբերությունները և մարդկանց միջև կապերը»,- ասել է դեսպանը։