Կայա Կալլասը ողջունում է Իլհամ Ալիևի որոշումը

Եվրոպական Միության արտաքին գործերի և անվտանգության քաղաքականության բարձր ներկայացուցիչ, Եվրոպական հանձնաժողովի փոխնախագահ Կայա Կալասը հավանություն է տվել՝ Ադրբեջանի նախագահ Իլհամ Ալիևի կողմից Ֆրանսիայի քաղաքացի Թեո Կլերկին ներում շնորհելու որոշմանը։
 
Ինչպես հաղորդում է Caliber.az-ը, Կալլասը մեկնաբանել է այս իրադարձությունը X սոցիալական ցանցի իր էջում։
 
«Բարի գալուստ տուն, Թեո Կլերկ։ Նրա ազատ արձակումը Ադրբեջանում ցույց է տալիս, թե ինչպիսի արդյունքների կարելի է հասնել մեղմ դիվանագիտության և հարգալից երկխոսության միջոցով», - նշել է նա։