Լիտվայի դեսպան. Ես կաշխատեմ ամրապնդել կապերը Բաքվի և Վիլնյուսի միջև

Ադրբեջանում Լիտվայի դեսպան Կեստուտիս Վաշկելյավիչուսը, ով այսօր իր հավատարմագրերն է հանձնել նախագահ Իլհամ Ալիևին, հայտարարել է՝ Բաքվի և Վիլնյուսի միջև երկկողմ կապերն ամրապնդելու մտադրության մասին։
 
Ինչպես հայտնում է Caliber.Az-ը, այս մասին դիվանագետը գրել է Х սոցիալական ցանցի իր էջում:
 
«Ինձ համար մեծ պատիվ է հավատարմագրերս հանձնել Ադրբեջանի նախագահ Իլհամ Ալիևին։ Պատմության կրիտիկական պահերին Լիտվան և Ադրբեջանը աջակցել են միմյանց անկախությանը։ «Փոխադարձ համերաշխության և բարեկամության այս ոգով ես կաշխատեմ ամրապնդել մեր հարաբերությունները», - ասել է Վաշկելյավիչուսը: