Մուստաֆա Դեսթիջի. Ադրբեջանը Թուրքիայի «կարմիր գիծն» է Հայաստանի հետ հարաբերություններում

Ադրբեջանը զգալի զարգացում է ցուցաբերում՝ պաշտպանության, տնտեսության և միջազգային հարաբերությունների ոլորտներում։
 
Report-ի փոխանցմամբ՝ այս մասին հայտարարել է Թուրքիայի Մեծ միասնություն կուսակցության (ՄՄԿ) նախագահ Մուստաֆա Դեսթիջին՝ Ադրբեջան իր այցի  շրջանակներում ճեպազրույցի ժամանակ։
 
Նա ընդգծել է, որ Թուրքիան հպարտանում է իր եղբայրական երկրի հաջողություններով և նշել է՝ թուրք-ադրբեջանական հարաբերությունների խորը պատմական արմատները։
 
Խոսելով Նոյեմբերի 8-ին կայանալիք Հաղթանակի օրվա տոնակատարությունների մասին՝ Դեստիջին նշել է, որ պատերազմի ժամանակ Թուրքիայի կողմից Ադրբեջանին ցուցաբերած աջակցությունը եղբայրական պարտականություն էր. «Դա եղբայրական պարտականություն էր։ Մենք այսուհետ էլ  աջակցելու ենք թուրքական միասնությանը»։
 
Քաղաքագետը ընդգծել է նաև՝ Թուրքիայի և Ադրբեջանի միջև ազատ առևտրի մասին համաձայնագրի մշակման անհրաժեշտությունը և նշել՝ երկկողմ առևտրի ծավալների հետագա աճի կարևորությունը։
 
Անդրադառնալով TURKPA-ի գործունեությանը, Դեսթիջին հույս է հայտնել, որ Ուզբեկստանը և Թուրքմենստանը շուտով կմիանան կազմակերպությանը։
 
Խոսելով Հայաստանի և Ադրբեջանի միջև հարաբերությունների մասին՝ Դեսթիջին ընդգծել է, որ Ադրբեջանը Թուրքիայի «կարմիր գիծն» է Երևանի հետ հարաբերություններում։
 
«Թուրքիայի և Հայաստանի միջև հարաբերությունների կարգավորման մասին կարող է խոսք լինել միայն այն բանից հետո, երբ Երևանը լիովին կատարի իր պարտավորությունները Ադրբեջանի նկատմամբ», - ընդգծել է քաղաքագետը։