Նախարար. Ադրբեջանն այն երկրների թվում է, որոնք միացել են ամենամեծ թվով միջազգային կոնվենցիաներին

Ադրբեջանը տարածաշրջանի այն երկրներից է, որոնք միացել են ամենաշատ թվով միջազգային կոնվենցիաներին։

Ինչպես հաղորդում է Caliber.Az-ը, այս մասին հայտարարել է ՄԱԿ-ի Կլիմայի փոփոխության մասին շրջանակային կոնվենցիայի Կողմերի 29-րդ նստաշրջանի (COP29) նախագահ, բնապահպանության և բնական պաշարների նախարար Մուխտար Բաբաևը AzTV հեռուստատեսության «Նպատակ» հաղորդման ժամանակ:

Նրա խոսքով, Ադրբեջանը միացել է 20 միջազգային կոնվենցիայի, որոնք առանցքային փաստաթղթեր են շրջակա միջավայրի պահպանության և կլիմայական խնդիրների վերաբերյալ։

«Ադրբեջանում հաջողությամբ իրականացվում են այդ կոնվենցիաները։ Մեր երկիրը իրեն դրսևորել է որպես այս ուղղությամբ առաջատար պետություն։ Մենք սա դիտարկում ենք որպես տարածաշրջանային համագործակցության ձևերից մեկը։ Այստեղ խոսքը համագործակցության մասին է թե՛ Կովկասի, թե՛ Կենտրոնական Ասիայի երկրների հետ»,- նշել է Բաբաևը։

Նախարարն ընդգծել է, որ COP29 համաժողովի անցկացումը, որը հետխորհրդային տարածքում առաջին անգամ տեղի կունենա Ադրբեջանում, մեծ պատասխանատվություն է։