Օմբուդսմենն այցելել է Վարդանյանին, Ղուկասյանին և Սահակյանին ԼՈՒՍԱՆԿԱՐ

Ադրբեջանի մարդու իրավունքների հանձնակատարը (օմբուդսմեն) այցելել է՝ ԱՀ Պետական ​​անվտանգության ծառայության քննչական մեկուսարանում պահվող հայերին։
 
Ինչպես Caliber.Az-ին հայտնել են օմբուդսմենի մամուլի ծառայությունից, նա անձամբ ընդունել և լսել է՝ Ռուբեն Վարդանյանին, Արայիկ Հարությունյանին, Արկադի Ղուկասյանին, Բակո Սահակյանին, Դավիթ Բաբայանին և  մյուներին։
 
Գաղտնի զրույցի ընթացքում լսվել են նշված անձանց խնդրանքները և ուսումնասիրվել նրանց իրավունքների ապահովման վիճակը։
 
Ռ.Վարդանյանը, Բ.Սահակյանը և բուժում ստացող  մյուս անձինք շնորհակալություն են հայտնել օմբուդսմենին և Կարմիր Խաչի միջազգային կոմիտեին՝ այցելության և ընդունելության համար, նշել նրանց նկատմամբ մարդասիրական վերաբերմունքը, խտրականության և նրանց իրավունքների ցանկացած ոտնահարման բացակայությունը, պահվելու և բժշկական օգնության նորմալ պայմանները։
 
Ուսումնասիրվել են նշված անձանց պահվելու  պայմանները, սննդի կազմակերպումը և այլն, պարզվել է, որ նրանց իրավունքները պաշտպանված են, նրանց ցուցաբերվում է իրավաբանական օգնություն, տեղեկատվություն,  բժշկական օգնություն և այլն։
 
Նրանց բաժանվել են բրոշյուրներ՝ ցուցումներով, թե ինչպես պետք է դիմել օմբուդսմենին՝ անհրաժեշտության դեպքում: