Պաշտպանության նախարարություն. Մեկնարկել են ադրբեջանա-իրանական զորավարժությունները

Տեղի է ունեցել Ադրբեջանում անցկացվող՝ «Արազ-2025» համատեղ զորավարժությունների բացման արարողությունը։
 
Այս մասին Caliber.Az-ին հայտնել են Ադրբեջանի Պաշտպանության նախարարությունից։
 
Նախ ադրբեջանական և իրանական կողմերի զորավարժությունների ղեկավարները, ինչպես նաև այլ բարձրաստիճան մասնակիցները այցելել են՝ Հայրենիքի համար իրենց կյանքը զոհաբերած նահատակների պատվին կանգնեցված հուշարձան և ծաղիկներ դրել նրա մոտ։
 
Մեկ րոպե լռությամբ հարգել են՝ ադրբեջանական ժողովրդի Համազգային առաջնորդ Հեյդար Ալիևի և երկու երկրների տարածքային ամբողջականության համար իրենց կյանքը զոհաբերած նահատակների հիշատակը։ Հնչել են Ադրբեջանի Հանրապետության և Իրանի Իսլամական Հանրապետության պետական ​​օրհներգերը։
Իրենց ելույթներում զորավարժությունների ղեկավարները մասնակիցներին մաղթել են հաջողություններ և հատուկ ընդգծել են անցկացվող համատեղ զորավարժությունների կարևորությունը։
 
Նշվել է «Արազ-2025» համատեղ զորավարժությունների նշանակությունը՝ Ադրբեջանի և Իրանի միջև վերընթաց գծով զարգացող ռազմական համագործակցության խորացման գործում։ Նշվել է, որ այս զորավարժությունները նպաստում են՝ Ադրբեջանի և Իրանի, ինչպես նաև երկու երկրների զինված ուժերի միջև փոխադարձ վստահության ամրապնդմանը։
 
Վերջում զինծառայողները հանդիսավոր երթով անցել են ամբիոնի առջից։