Փեզեշքիան. Մենք միշտ պաշտպանել ենք Ադրբեջանի իրավունքները

Մենք միշտ պաշտպանել ենք Ադրբեջանի իրավունքները և պաշտպանում ենք Հայաստանը՝ նրա իրավունքների շրջանակներում։

Ինչպես հաղորդում է Report-ը, այս մասին AzTV-ին տված հարցազրույցում հայտարարել է՝ Իրանի Իսլամական Հանրապետության նախագահ Մասուդ Փեզեշքիանը՝ խոսելով Ադրբեջանի և Հայաստանի միջև փոխհարաբերությունների մասին։
 
«Մենք ձգտում ենք ապահովել, որ երկու կողմերն էլ ապրեն խաղաղության մեջ՝ բարիդրացիության սկզբունքների հիման վրա և աջակցեն միմյանց», - նշել է պետության ղեկավարը։
 
Փեզեշկիանը նշել է, որ Իրանը աջակցել է՝ Ադրբեջանի հիմնական մասի և Նախչըվանի միջև ցամաքային կապի ստեղծմանը.
 
«Այսօր մեր օգնությունը կայանում է նրանում, որ մենք նախաձեռնություն ենք ստանձնել՝ Ադրբեջանի հիմնական մասի և Նախչըվանի միջև ցամաքային կապ ստեղծելու համար։ Նախագիծը շատ արագ է իրականացվում։ Դա արդեն համաձայնեցված է, և Իրանի տարածքով Ադրբեջանի հիմնական մասի և Նախչըվանի միջև ցամաքային կապ ստեղծելու հարցում որևէ խնդիր չի առաջանա։ Մենք Իրանը համարում ենք ադրբեջանցիների երկրորդ հայրենիք և կհամարենք օրհնություն, եթե նրանք ոտք դնեն այս հողի վրա», -  հայտարարել է Փեզեշքիանը։