Ռումինացի սենատոր. Ադրբեջանը մեզ համար առանցքային գործընկեր է

Ռումինիայի և Ադրբեջանի միջև բարեկամության խմբերի շրջանակներում քննարկվում են ապագա նախագծերը։

Ինչպես հաղորդում է Caliber.Az-ը, այս մասին հայտարարել է՝ Ռումինիայի Ազգային լիբերալ կուսակցության սենատոր Քրիստիան-Օգուստին Նիկուլեսկու-Ցըգըրլաշը։
 
Սենատորը նշել է, որ Բաքվում իր մնալը պայմանավորված է՝ԱՀ խորհրդարանի նախագահ Սահիբա Գաֆարովայի նախաձեռնությամբ, ով սիրով ընտրությունների դիտորդական առաքելության հրավեր է ուղարկել՝ Ռումինիայի Սենատի նախագահ Նիկոլայ-Իոնել Չյուկային։
 
Նա ընդգծել է, որ արդեն ակտիվ աշխատանք է տարվում Ադրբեջանի և Ռումինիայի խորհրդարանական հանձնաժողովների միջև՝ համագործակցության, էներգետիկայի, մշակույթի և բարձրագույն կրթության ոլորտներում։
 
«Ակտիվ աշխատանք է տարվում՝ Ադրբեջանի և Ռումինիայի խորհրդարանական հանձնաժողովների միջև, հատկապես բարեկամական խմբերի շրջանակներում, որոնք քննարկում են խոստումնալից նախագծեր։ Թուրքիայից հետո Ռումինիան դարձել է՝ Ադրբեջանի անկախությունը ճանաչած երկրորդ երկիրը։ Ուզում եմ նշել, որ Ադրբեջանը մեզ համար առանցքային գործընկեր է հատկապես էներգետիկայի ոլորտում։ Այս համագործակցությունը ռազմավարական նշանակություն ունի ոչ միայն մեր երկրի, այլև ողջ Եվրոպայի համար»,- ասել է նա։