Սերբիայի նախագահ. Ալիևը մեր ռազմավարական գործընկերն է և իսկական բարեկամը

Ադրբեջանի նախագահ Իլհամ Ալիևը մեր ռազմավարական գործընկերն է, և նույնիսկ ավելին՝ իսկական բարեկամը։ Այսօրվա աշխարհում դա կարելի է ասել ոչ բոլորի մասին։
 
Այս մասին ԱզերԹաջին  հայտարարել է Սերբիայի նախագահ Ալեքսանդր Վուչիչը: Նա  նշել է, որ Իլհամ Ալիևին սիրում է  ողջ սերբ ժողովուրդը։
 
«Ադրբեջանը և Սերբիան ընդլայնել են համագործակցությունը տարբեր մակարդակներում։ Նախօրեին մեր խորհրդարանի նախագահը գտնվել է Բաքվում։ Մենք համագործակցում ենք տարբեր ոլորտներում և ուղղություններով՝ գյուղատնտեսությունից մինչև ռազմատեխնիկական համագործակցություն։ Մենք կշարունակենք դա անել՝ բարձրացնելով մեր գործընկերության մակարդակը և կատարելագործելով այն։ Իմ լավագույն մաղթանքներն եմ հղում մեր ադրբեջանցի բարեկամներին և իմ եղբորը՝ նախագահ Իլհամ Ալիևին», - հավելել է Վուչիչը։