Թաթարը՝ Ալիևի հետ հանդիպման մասին. Մենք քննարկել ենք երկրների միջև հարաբերությունները բոլոր ուղղություններով

Հյուսիսային Կիպրոսի Թուրքական Հանրապետության և Ադրբեջանի միջև հարաբերությունները կշարունակեն ամրապնդվել բոլոր ոլորտներում՝ «մեկ ազգ» սկզբունքի ոգով, և կմնան միասնության, համերաշխության և համընդհանուր  ապագայի երաշխիք։
 
Ինչպես հաղորդում է Caliber.Az-ը, ՀԿԹՀ նախագահ Էրսին Թաթարը այս մասին հայտարարել է X սոցիալական ցանցի իր էջում՝ Գաբալայում Ադրբեջանի նախագահ Իլհամ Ալիևի հետ հանդիպման արդյունքների վերաբերյալ։
 
«Ադրբեջանի նախագահ, իմ սիրելի  բարեկամ Իլհամ Ալիևի հետ հանդիպմանը մենք քննարկել ենք՝ երկու եղբայրական երկրների միջև հարաբերությունները բոլոր ոլորտներում», - նշել է Թաթարը։