Վաշինգտոնը հայտնել է իր պատրաստակամությունը՝ շարունակել ռազմավարական համագործակցությունը Բաքվի հետ

Միացյալ Նահանգները հայտնել է իր պատրաստակամությունը՝ շարունակել սերտ համագործակցությունը Ադրբեջանի հետ՝ որպես արժեքավոր ռազմավարական գործընկեր՝ խաղաղությունը, բարգավաճումը խթանելու և Հարավային Կովկասի տնտեսական ներուժը բացահայտելու համար։
 
Caliber.Az-ի փոխանցմամբ, այս մասին հայտարարել է Ադրբեջանում ԱՄՆ դեսպանատունը՝ X սոցիալական ցանցում։
 
«Երեկ ԱՄՆ և Ադրբեջանի բարձրաստիճան ներկայացուցիչները անցկացրել են երկկողմ աշխատանքային խմբի առաջին նիստը, որը ստեղծվել է օգոստոսի 8-ին Վաշինգտոնում ԱՄՆ նախագահ Դոնալդ Թրամփի մասնակցությամբ՝ պատմական խաղաղության գագաթնաժողովում ստորագրված փոխըմբռնման հուշագրի իրականացման համար», - ասվում է հաղորդագրության մեջ։
 
Դեսպանատանը նշել են, որ  նիստի ընթացքում կողմերը քննարկել են՝ տարածաշրջանային փոխկապակցվածության և առևտրի ամրապնդման, տնտեսական ներդրումների զարգացման, այդ թվում՝ արհեստական ​​բանականության և թվային ենթակառուցվածքների նախագծերի, ինչպես նաև անվտանգության ոլորտում համագործակցության ընդլայնման համատեղ քայլերը։
«Միացյալ Նահանգները պատրաստ են շարունակել սերտ համագործակցությունը Ադրբեջանի հետ՝ որպես արժեքավոր ռազմավարական գործընկեր՝ նախագահ Թրամփի խաղաղության և բարգավաճման տեսլականը առաջ մղելու և Հարավային Կովկասի զգալի տնտեսական ներուժը բացահայտելու համար», - ընդգծել են դիվանագիտական ​​​​գերատեսչությունում։