Վկա. Վարդանյանը կոչ էր անում զինվել և կռվել ադրբեջանցիների դեմ

Մարտի 11-ին շարունակվել է Հայաստանի քաղաքացի Ռուբեն Վարդանյանի գործի քննությունը, ով մեղադրվում է խոշտանգումների, վարձկանության, պատերազմի օրենքներն ու սովորույթները խախտելու, ահաբեկչության ֆինանսավորման և Ադրբեջանի Քրեական օրենսգրքի այլ հոդվածներով։

ԱԶԵՐԹԱՋ-ի փոխանցմամբ՝ Բաքվի ռազմական դատարանի դատավոր Զեյնալ Աղաևի նախագահությամբ դատական նիստում մեղադրյալն ապահովվել է փաստաբանով և ռուսաց լեզվի թարգմանիչով։

Դատական նիստին գործով տուժողները Ռուբեն Վարդանյանի դեմ ցուցմունքներ են տվել:

Վկան նշել է, որ Ռուբեն Վարդանյանի ֆինանսական աջակցությամբ 44-օրյա պատերազմի ընթացքում Ադրբեջանի ազատագրված տարածքների սահմաններում իրականացվել են ականապատման աշխատանքներ։

Նա պատմել է, որ ականները Հայաստանից Ղարաբաղ են հասցվել Լաչինի ճանապարհով. «Խանքենդիում ապրող հայերն էլ գիտեին, որ Ռուբեն Վարդանյանի գալուց հետո Ղարաբաղում տարածքների ականապատումը լայն թափ է ստացել։ Դպրոցներում, շենքերի մոտ, անտառներում և այլ տարածքներում տեղադրվել են ականների մասին տեղեկատվական պաստառներ։ Սակայն մինչ 44-օրյա պատերազմը նման պաստառներ չկային»։

Վկան նշել է, որ Ռուբեն Վարդանյանի հաշվին ստեղծվել է երեք ռազմական պահեստ՝ երկուսը Խանքենդիի շրջակայքում, մեկը՝ Ասկերանում։ Պահեստներ տանող ճանապարհները հսկում էին զինված մարդիկ։ «Պահեստներում գործում էին Հայաստանի բանակի զինծառայողներ, ինչպես նաև Ղարաբաղի ընտրված զինվորականներ։ Այնտեղ եղել են մեծ քանակությամբ զենք-զինամթերք, կվադոկոպտերներ և Ռուբենի կողմից Ղարաբաղ բերված այլ անօդաչու թռչող սարքեր։ Այս մասին Խանքենդիում շատերը գիտեին։ Ռուբեն Վարդանյանը քարոզչություն էր անում, որ հայ բնակչությանը զինվի ու կռվի ադրբեջանցիների դեմ»,- հայտարարել է վկան։

Հաջորդ դատական նիստը տեղի կունենա մարտի 18-ին։