Որքա՞ն ներդրումներ է կատարել Եվրոպական բանկը Ադրբեջանում

2025 թվականի սեպտեմբերի 30-ի դրությամբ՝ Վերակառուցման և զարգացման եվրոպական բանկի (ՎԶԵԲ) Ադրբեջանում վարկային պորտֆելը գնահատվում է 948 միլիոն եվրո։
 
ՎԶԵԲ-ի տվյալներով՝ պորտֆելի 37%-ը բաժին է ընկնում մասնավոր հատվածին։
 
Ընդ որում, ներկայումս գործում է 35 նախագիծ։
 
2025 թվականի օգոստոսի 31-ի  ցուցանիշի համեմատ՝ պորտֆելի ծավալը նվազել է 0.63%-ով կամ 6 միլիոն եվրոյով։
 
ՎԶԵԲ-ի տվյալներով՝ ներկայիս պորտֆելի  հիմնական մասը՝ 89%-ը (842 միլիոն եվրո), ներառում է կայուն ենթակառուցվածքների զարգացման ֆինանսավորումը, 6%-ը (56 միլիոն եվրո)՝  բաժին է ընկնում ֆինանսական ինստիտուտներին, իսկ ևս 5%-ը (49 միլիոն եվրո)՝ կորպորատիվ հատվածին։