Ադրբեջանը կհյուրընկալի Իսլամական զարգացման բանկի խմբի նիստը

Ադրբեջանը 2026 թվականին կհյուրընկալի Իսլամական զարգացման բանկի խմբի տարեկան նիստը։

Ինչպես հաղորդում է Caliber.Az-ը՝ հղում անելով Ադրբեջանի էկոնոմիկայի նախարարությանը, այս հարցը քննարկվել է էկոնոմիկայի նախարար Միքայիլ Ջաբբարովի և Իսլամական զարգացման բանկի անդամ երկրների տնօրենների հանդիպման ժամանակ, որը տեղի է ունեցել նրա՝ Արժույթի միջազգային հիմնադրամի և Համաշխարհային բանկի խմբի 2025 թվականի տարեկան նիստի շրջանակներում ԱՄՆ կատարած այցի ընթացքում։

Քննարկվել են Իսլամական զարգացման բանկի խմբի 2026 թվականի տարեկան նիստը Ադրբեջանում անցկացնելու նախապատրաստական աշխատանքները։

Միջոցառման շրջանակներում մտքեր են փոխանակվել Իսլամական զարգացման բանկի խմբի նախագահ Մոհամմեդ Սուլեյման Ալ-Ջասերի և անդամ երկրների ներկայացուցիչների միջև կայուն և ներառական զարգացման առաջնահերթությունների վերաբերյալ: