Պակիստանը մտնում է ադրբեջանական շուկա՝ հալալ մսով

Պակիստանի առևտրի զարգացման վարչությունը (TDAP) հայտարարել է, որ երկիրը՝ Ադրբեջան միս արտահանելու պաշտոնապես թույլտվություն է ստացել: Այս իրադարձոյթյանը նախորդել է՝ կենդանիների կարանտինի վարչության կողմից ադրբեջանական կողմի սահմանած անասնաբուժական և սննդային չափորոշիչների հաջողությամբ պահպանումը։
 
Այս մասին հաղորդում է Caliber.Az-ը՝ հղում անելով պակիստանյան Bloom Pakistan կայքին։
 
Այս կարևոր իրադարձությունից հետո, TDAP-ը հանդիպում է անցկացրել մսի արտահանողների և համապատասխան կազմակերպությունների հետ՝ ադրբեջանական շուկա ընդլայնվելու ռազմավարությունները քննարկելու համար։
 
Այս ջանքերի շրջանակներում TDAP-ը այս տարվա նոյեմբերին Բաքու կուղարկի պակիստանցի մսի արտահանողների պատվիրակություն: Բացի այդ, ադրբեջանցի առաջատար ներմուծողները կհրավիրվեն Պակիստանում կայանալիք ցուցահանդեսին՝ ուղիղ առևտրային և գործարար կապերը ամրապնդելու համար։
 
TDAP-ի պաշտոնական ներկայացուցիչ Աթեր Հուսեյն Հոխարը նշել է, որ այս հաջողությունը ընդգծում է պակիստանյան մսի բարձր որակը և երկրի՝ որպես հալալ արտադրանքի հուսալի արտադրողի ամուր միջազգային հեղինակությունը։