Շինդլեր. Ադրբեջանն ունի բոլոր հնարավորությունները իր տեքստիլ արդյունաբերությունը նոր մակարդակի հասցնելու համար

Իր շահավետ աշխարհագրական դիրքի շնորհիվ Ադրբեջանն ունի բոլոր հնարավորությունները՝ իր տեքստիլ արդյունաբերությունը նոր, ավելի  մասշտաբային մակարդակի հասցնելու համար։
 
Այս մասին Report-ին ահայտարարել է՝ Միջազգային տեքստիլ արտադրողների ֆեդերացիայի (ITMF) գլխավոր տնօրեն Քրիստիան Շինդլերը։
 
Նա նշել է, որ աշխարհագրությունը կարևոր դեր է խաղում տեքստիլի համաշխարհային շուկա առաջխաղացման գործում, սակայն հաջողության հիմնական ցուցանիշը ոչ թե արտադրության ծավալն է, այլ արտադրանքի որակը և արժեքը։
 
«Հարկ է նշել, որ Ադրբեջանը ծավալի առումով խոշոր տեքստիլ արտադրող չէ։ Սակայն ծավալը կարևոր չափանիշ չէ։ Կարևորն այն է, որ դուք արտադրեք որակյալ ապրանք, ստեղծեք ավելացված արժեք և աշխատեք շահութաբեր։ Անիմաստ է մեծ ծավալներ արտադրել վնասով։ Ավելի լավ է լինել որոշակի շուկայի համար նիշային արտադրող, քան մասսայական արտադրող, բայց անմրցունակ», - ընդգծել է Շինդլերը։
 
ITMF-ի ղեկավարը նշել է, որ ադրբեջանական արտադրանքի միջազգային շուկաներ մուտք գործելու համար անհրաժեշտ է համապարփակ մոտեցում, ներառյալ շրջակա միջավայրի, աշխատանքային և սոցիալական չափանիշների պահպանումը։
 
«Որպես միջազգային հարթակ՝ մենք կարող ենք օգնել Ադրբեջանի տեքստիլ արդյունաբերությանը՝ ծանոթանալ համաշխարհային չափանիշներին, ընդունել այլ երկրների լավագույն փորձը, հասկանալ համաշխարհային միտումները և պատրաստվել դրանց։ Կարևոր է լինել համաշխարհային պատկերի մաս, այլ ոչ թե գործել մեկուսացված», - ասել է նա։