Շահբազովը՝ Ադրբեջանում էլեկտրաէներգիայի արտադրության աճի մասին

Նոր էլեկտրակայանների շահագործման հանձնմամբ ներկա ժամանակ Ադրբեջանի էլեկտրաէներգիայի արտադրության ընդհանուր հզորությունը հասել է 9,732.5 ՄՎտ-ի, ինչը նշանակում է աճ 1,317 ՄՎտ-ով կամ 15.6%-ով ավելի՝ նախորդ տարվա նույն ժամանակահատվածի համեմատ։
 
Report-ի փոխանցմամբ, այս մասին ասվում է էներգետիկայի նախարար Փարվիզ Շահբազովի հոդվածում, որը հրապարակվել է պաշտոնական թերթում՝ Էներգետիկի օրվա կապակցությամբ։
 
Նրա խոսքով, դրանում  կարևոր դեր է խաղացել՝ «Նոյեմբերի 8»  երկրի և ամբողջ Հարավային Կովկասի ամենամեծ էներգետիկ օբյեկտի՝ 1,880 ՄՎտ հզորությամբ էլեկտրակայանի շահագործման հանձնումը։ Նախարարը նաև ընդգծել է էլեկտրաէներգիայի ոլորտում միջազգային գործընկերության նշանակությունը, որի օրինակ է չինական և իտալական ընկերությունների հետ համագործակցությունը։
 
Շահբազովը նշել է, որ երկրում ներկայումս գործում են 24 ջերմաէլեկտրակայաններ՝ 7903 ՄՎտ ընդհանուր հզորությամբ, 65 հիդրոէլեկտրակայաններ՝ 1443,5 ՄՎտ հզորությամբ, ինը արևային էլեկտրակայաններ՝ 278,2 ՄՎտ հզորությամբ, հինգ քամու էլեկտրակայաններ՝ 63,5 ՄՎտ հզորությամբ, պինդ թափոնների վրա աշխատող էլեկտրակայան՝ 37 ՄՎտ հզորությամբ և երեք հիբրիդային էլեկտրակայաններ՝ 7,3 ՄՎտ ընդհանուր հզորությամբ։ «Վերականգնվող էներգիայի էլեկտրակայանների, այդ թվում՝ հիդրոէլեկտրակայանների հզորությունը կազմում է 1829,6 ՄՎտ, որը կազմում է ընդհանուր արտադրական հզորության մոտավորապես 18,8%-ը։ Այս ժամանակահատվածում, բացի արտադրությունից, աճել է նաև էլեկտրական ցանցի հզորությունը՝ հասնելով 29714 ՄՎտ-ի»։