Միջին միջանցք. Առաջին մուլտիմոդալ բեռը Քաշգարից ճանապարհվել է Ադրբեջան

Քաշգարում տեղի է ունեցել Չինաստան-Ղրղզստան-Ուզբեկստան-Թուրքմենստան մուլտիմոդալ երթուղով բեռնափոխադրումների բացման արարողությունը, հաղորդում է Dunyo լրատվական գործակալության թղթակիցը։  

Այս մուլտիմոդալ երթուղու բացումը նպատակ ունի դիվերսիֆիկացնել Կենտրոնական Ասիա-Չինաստան և Չինաստան-Եվրոպա երթուղիները, զարգացնել Միջին միջանցքի տարանցիկ հնարավորությունները։

Հոկտեմբերի 15-ին Քաշգարից այս երթուղով սկսեցին շարժվել յոթ տրանսպորտային միջոց։ Տրանսպորտային միջոցների Ուզբեկստան ժամանումը նախատեսված է հոկտեմբերի 21-ին, իսկ Թուրքմենստան՝ հոկտեմբերի 24-ին։ Բեռների մի մասը Թուրքմենստանից կհասցվի Ադրբեջան։