ՍԱԳ-ի ղեկավարը՝ Ադրբեջանում հալալ արդյունաբերության զարգացման մասին

Ադրբեջանի ազատագրված տարածքներում և Նախչըվանի Ինքնավար Հանրապետությունում՝ հալալ արդյունաբերության զարգացման համար բարենպաստ պայմաններ կստեղծվեն։
 
Report-ի փոխանցմամբ՝ այս մասին հայտարարել է Ադրբեջանի Սննդամթերքի անվտանգության գործակալության (ՍԱԳ) նախագահ Գոշգար Թահմազլին՝ 2-րդ Ադրբեջանական հալալ բիզնես Ֆորումում (AZHAB):
 
Նա նշել է, որ դա հնարավոր կդառնա այն բանից հետո, երբ Կենդանիների առողջության համաշխարհային կազմակերպությունը հայտարարի հիվանդություններից ազատ գոտիներ և նրանց շնորհի հատկապես վտանգավոր կենդանիների հիվանդություններից ազատ երկրների կարգավիճակ: Թահմազլին ադրբեջանցի ձեռնարկատերերին հրավիրել է ակտիվորեն մասնակցել այս գործընթացին։
 
ՍԱԳ նախագահը նշել է, որ երկրում ներկայումս իրականացվում են կանոնավոր մոնիթորինգային աշխատանքներ՝ սննդի անվտանգության գործող կանոնակարգերի համապատասխանությունը գնահատելու համար. «Այս գործունեության շրջանակներում հատուկ վերահսկողություն է իրականացվում հավաստագրված հալալ արտադրանքի նկատմամբ: Նպատակն է՝ պաշտպանել սպառողների իրավունքները, ապահովել հանրային առողջությունը և խթանել հալալ չափանիշներին համապատասխանող արտադրանքի շրջանառության ընդլայնումը»: