BP-ն՝ «Ղարաբաղ» նախագծի վերաբերյալ սեյսմիկ հետազոտությունների մեկնարկի ժամկետների մասին

Բրիտանական նավթագազային ընկերությունը (bp) նախատեսում է այս տարվա դեկտեմբերին սկսել սեյսմիկ հետազոտությունների ծրագիր՝ Կասպից ծովի ադրբեջանական հատվածում «Ղարաբաղ» հանքավայրի մշակման շրջանակներում։
 
Ինչպես հաղորդում է Caliber.Az-ը, այս մասին հայտնում է bp-ն:
 
«Ղարաբաղ» նախագծի սեյսմիկ հետազոտությունների ծրագիրը ներառում է՝ հատակային հանգույցային (OBN) սեյսմիկ հետազոտություններ և բարձր թույլտվության (HR)/գերբարձր թույլտվության (UHR) սեյսմիկ հետազոտություններ։
 
«OBN սեյսմիկ հետազոտությունը նախատեսվում է սկսել 2025 թվականի դեկտեմբերին՝ մինչև 3.5 ամիս տևողությամբ։ HR/UHR սեյսմիկ հետազոտությունը նախատեսված է 2026 թվականի մարտ-ապրիլ ամիսներին և կշարունակվի մինչև 45 օր», - նշվում է տեղեկատվության մեջ։
 
Ընկերության փոխանցմամբ՝ OBN սեյսմիկ հետազոտությունները կբարելավեն շերտի ըմբռնումը, կնպաստեն հորատանցքերի պլանավորմանը և հանքավայրի  զարգացման ռազմավարությունների օպտիմալացմանը, HR/UHR-ը նպատակ ունի բացահայտել երկրաբանական վտանգները, որոնք կարող են ազդել հորատանցքերի ամբողջականության վրա, ինչպես նաև ստորգետնյա վտանգները, որոնք կարող են ազդել հարթակի և այլ ենթակառուցվածքների անվտանգ տեղադրման վրա։