Ուկրաինայի քաղաքի քաղաքապետը շնորհավորել է Ադրբեջանին

Ուկրաինայի Կիևի մարզի Իրպեն քաղաքի քաղաքապետ Ալեքսանդր Մարկուշինը շնորհավորել է Ադրբեջանին՝ մայիսի 28-ի՝ Անկախության օրվա կապակցությամբ:
 
Ինչպես հաղորդում է Caliber.Az-ը, քաղաքական գործիչը համապատասխան գրառում է հրապարակել X սոցիալական ցանցում։
 
«Իրպենը շնորհավորում է Ադրբեջանին Հանրապետության օրվա կապակցությամբ»:
 
«1918 թվականի մայիսի 28-ին ստեղծվել է անկախ Ադրբեջանի Դեմոկրատական ​​Հանրապետությունը՝ հենց այդ օրը դրվել է ազատ երկրի հիմքը, որն այսօր Իրպեին համայնքի և ամբողջ Ուկրաինայի իսկական ընկերն ու գործընկերն է», - գրել է նա։
 
Ա. Մարկուշինը հիշեցրել է, որ Ադրբեջանի աջակցությամբ քաղաքում վերականգնվել է ակադեմիկոս Զարիֆա Ալիևայի անունը կրող թիվ 12 լիցեյը։ Բացի այդ, նա նշել է, որ Իրպենի կլինիկայում  հիմնանորոգում է իրականացվել։
 
«Ադրբեջանի նախագահ Իլհամ Ալիևի աջակցությամբ առջևում նոր նախագծեր կան, այդ թվում՝ Իրպենի կյանքի և զարգացման համար կարևոր օբյեկտներ», - ընդգծել է քաղաքապետը։