Փաշազադեն բացահայտել է հոգևոր առաջնորդների գագաթնաժողովում Գարեգին Բ-ի բացակայության պատճառը

Կովկասի Մահմեդականների վարչության (ԿՄՎ) նախագահ շեյխ ուլ-իսլամ Ալլահշուքյուր Փաշազադեն պարզություն է մտցրել այն հարցում, թե ինչու Ամենայն Հայոց Կաթողիկոս Գարեգին Բ-ն չի մասնակցել Բաքվում ընթացող կրոնական առաջնորդների համաշխարհային գագաթնաժողովին։

Ինչպես հայտնում է Report-ը, Փաշազադեն լրագրողներին ասել է, որ այս հարցի վերաբերյալ դիմումներ են ստացվել այլ կրոնական առաջնորդներից։

«Սակայն ես նշեցի, որ Գարեգին Երկրորդի մասնակցությունը Բաքվի գագաթնաժողովին հնարավոր է միայն այն դեպքում, եթե նա ճանաչի Ադրբեջանի տարածքային ամբողջականությունը։ Քանի որ հակառակ կողմից արձագանք չի եղել, միջոցառման հրավեր նրան չի ուղարկվել»,- ընդգծել է ԿՄՎ նախագահը։