Պուտինը՝ Ադրբեջանում Համագործակցության խաղերի կազմակերպման մասին. սա մեծ աշխատանք է

Ռուսաստանի նախագահ Վլադիմիր Պուտինը բարձր է գնահատել ԱՊՀ խաղերի կազմակերպման ջանքերը։

Այս մասին հաղորդում է ՏԱՍՍ-ը։

«Ես արդեն խոսել եմ մեր փոխգործակցության կարևորության մասին հումանիտար ոլորտում։ Գործընկերները նաև հիշատակեցին մարզական մրցումները, Ադրբեջանում հենց նոր են անցկացվել Համագործակցության խաղերը։ Սա մեծ աշխատանք է, և, իհարկե, այն արժանի է մեր բոլոր երկրների լիարժեք ուշադրությանն ու աջակցությանը», - ասել է Պուտինը՝ ելույթ ունենալով ԱՊՀ պետությունների ղեկավարների խորհրդի նեղ կազմով նիստում։

Պուտինը նշել է, որ այս Խաղերին մասնակցել է նաև ռուս մարզիկների մեծ թիմ։