Ռումինական պարբերականը՝ ադրբեջանա-ուկրաինական հարաբերությունների մասին

Ռումինական հայտնի «Bursa» պարբերականում հրապարակված վերլուծական հոդվածում նշվում է, որ նախագահ Իլհամ Ալիևը վստահություն է հայտնել առ այն, որ չնայած Ռուսաստանի կողմից SOCAR-ին պատկանող Ադրբեջանի էներգետիկ օբյեկտների և գազափոխադրման ենթակառուցվածքների վրա հասցված ավիահարվածներին, էներգետիկ ոլորտում ադրբեջանա-ուկրաինական համագործակցությունը կշարունակվի։

AZERTAC-ի փոխանցմամբ՝ հոդվածում նշվում է, որ նախագահ Իլհամ Ալիևը նման դիրքորոշում է հայտնել Ուկրաինայի նախագահ Վլադիմիր Զելենսկու հետ հեռախոսազրույցի ժամանակ։ Երկու առաջնորդներն էլ խստորեն դատապարտել են ռուսական հարձակումները և ընդգծել, որ ավիահարվածները չեն ազդի երկկողմ էներգետիկ նախագծերի վրա։

Հոդվածագիրը նշում է, որ հունվարից ի վեր Ուկրաինան անցկացրել է Ադրբեջանից Տրանսբալկանյան երթուղով գազի փոխադրման առաջին փորձարկումները և հայտարարել համագործակցության զգալիորեն ընդլայնման ծրագրերի մասին։ Սակայն այս ընթացքում Ռուսաստանը մի քանի ավիահարվածներ է հասցրել Ուկրաինայի տարածքին՝ թիրախավորելով SOCAR-ին պատկանող նավթի պահեստարաններն ու գազակոմպրեսորային կայանները։