Ռումինիայի էներգետիկայի նախարար. ադրբեջանական գազը կամրապնդի Եվրոպայի էներգետիկ անվտանգությունը

Ռումինական Տուզլա-Պոդիսոր գազատարի շահագործման հանձնումը հնարավորություն կստեղծի Թուրքիայից, Ադրբեջանից և Հունաստանից Եվրոպա գազ փոխադրելու համար։

Ինչպես հաղորդում է Caliber.Az-ը, այս մասին Linkedin սոցիալական ցանցի իր էջում գրել է Ռումինիայի էներգետիկայի նախարար Սեբաստիան Բուրդուժան։

«Տուզլա-Պոդիսոր խողովակաշարի գործարկումը գազով կապահովի մոտ 185 000 ռումինացիների և 523 պետական հաստատությունների այն բնակավայրերում, որտեղով անցնելու է։ Սա նաև հնարավորություն կստեղծի առաջիկա երկու տարիների ընթացքում այս խողովակաշարով Թուրքիայից, Ադրբեջանից և Հունաստանից Եվրոպա գազ փոխադրելու համար՝ ամրապնդելով Եվրոպայի էներգետիկ անվտանգությունը», - եզրափակել է նախարարը։