Շայմարդանով. Բաքվի և Երևանի միջև բանակցությունները երաշխավորում են խաղաղություն և կայունություն

Թյուրքական պետությունների կազմակերպությունը (ԹՊԿ) կարող է իր ներդրումն ունենալ համաշխարհային գործընթացներում։

Report-ի փոխանցմամբ՝ այս մասին Բաքվում ԹՊԿ անդամ պետությունների վերլուծական կենտրոնների համաժողովի շրջանակներում կազմակերպված պանելային քննարկումների ժամանակ հայտարարել է Ղազախստանի նախագահին կից Ղազախստանի ռազմավարական հետազոտությունների ինստիտուտի տնօրեն Ժանդոս Շայմարդանովը։

Նրա խոսքով՝ ԹՊԿ-ն այն կազմակերպությունն է, որը ծառայում է համաշխարհային անորոշության շրջանում խաղաղություն և կայունություն ապահովելուն։

Շայմարդանովը նաև հիշատակել է Ադրբեջանի և Հայաստանի միջև բանակցությունները. «Այս գործընթացը, բացի ընդհանուր միջանցք ստեղծելուց, նաև երաշխավորում է խաղաղություն և կայունություն մեզ համար։ Սահմանների բացմանը զուգընթաց նվազում է հակամարտությունների և այլ բացասական երևույթների հավանականությունը։ Մենք կարող ենք սա անվանել խաղաղության թյուրքական միջանցք»։