ՇՀԿ գլխավոր քարտուղար. Ադրբեջանը շուտով կդառնա կազմակերպության լիիրավ անդամ

Ադրբեջանը ակտիվ գործունեություն է ցուցադրում Շանհայի համագործակցության կազմակերպության (ՇՀԿ) շրջանակներում:

Այս մասին Report-ին ասել է ՇՀԿ գլխավոր քարտուղար Նուրլան Երմեկբաևը:

Նա հույս է հայտնել, որ Ադրբեջանը շուտով կդառնա կազմակերպության լիիրավ անդամ. «ՇՀԿ-ն կազմակերպություն է, որը բաց է բոլոր երկրների համար: Մենք մեր շարքերում ընդունում ենք այն երկրներին, որոնք ցանկանում են լիարժեք մասնակցել մեր գործունեությանը: Կազմակերպությանը նոր երկրներ ընդունելու որոշումը կայացվում է բոլոր անդամ պետությունների համաձայնության հիման վրա:

Այս բոլոր հայտերը ներկայումս դիտարկվում են: Ես կազմակերպության գործադիր մարմնի ղեկավարն եմ, և, իհարկե, իմ աշխատանքն է հաստատել երկրների որոշումները: Հուսով եմ, որ Ադրբեջանը մոտ ապագայում կստանա անդամի կարգավիճակ, և որ երկրի համագործակցությունը ՇՀԿ-ի հետ կընդլայնվի», - ընդգծել է գլխավոր քարտուղարը: