Ստամբուլում տեղի ունեցած երկրաշարժերից հետո Ասադովը զանգահարել է Յըլմազին

Հեռախոսազրույց է տեղի ունեցել Ադրբեջանի վարչապետ Ալի Ասադովի և Թուրքիայի փոխնախագահ Ջևդեթ Յըլմազի միջև։

Ինչպես հայտնում է Caliber.Az-ը, զրույցի ընթացքում Ադրբեջանի վարչապետն իր մտահոգությունն է հայտնել Ստամբուլ քաղաքում տեղի ունեցած երկրաշարժերի կապակցությամբ։

Ասադովը նշել է, որ Ադրբեջանը, ինչպես միշտ, այս դժվարին պահին եղբայրական Թուրքիայի կողքին է։

Կողմերը քննարկել են նաև Թուրքիայի համապատասխան մարմինների կողմից ներկայումս ձեռնարկվող միջոցառումները՝ տարածաշրջանում իրավիճակը գնահատելու, ինչպես նաև երկրաշարժի հետևանքների վերացման ուղղությամբ։