Տալլինը ողջունում է Բաքվի և Երևանի միջև ձեռք բերված պայմանավորվածությունները

Էստոնիան ողջունում է Ադրբեջանի և Հայաստանի միջև խաղաղության համաձայնագրի տեքստի շուրջ բանակցությունների ավարտը։

Ինչպես հայտնում է Caliber.Az-ը, այս մասին X սոցիալական ցանցում գրել է Էստոնիայի արտգործնախարար Մարգուս Ցախկնան։

«Սա երկար սպասված քայլ է տարածաշրջանում խաղաղության և կայունության հասնելու ուղղությամբ, և մենք հուսով ենք, որ խաղաղության համաձայնագիրը շուտով կստորագրվի»,- նշել է նախարարը։