ԹՊԿ երկրների ղեկավարների հերթական գագաթնաժողովը կանցկացվի Ադրբեջանում

Թյուրքական պետությունների կազմակերպության (ԹՊԿ) անդամ երկրների ղեկավարների 12-րդ գագաթնաժողովը կանցկացվի Ադրբեջանում։

Ինչպես հաղորդում է Caliber.Az-ը՝ հղում անելով Բիշքեկի հռչակագրին, այս որոշումն ընդունվել է նախօրեին Ղրղզստանի մայրաքաղաքում ԹՊԿ անդամ պետությունների ղեկավարների խորհրդի 11-րդ նիստի արդյունքներով։

Հռչակագրի համաձայն՝ կազմակերպության անդամ երկրների ղեկավարները հավանություն են տվել 2025 թվականին Ադրբեջանում գագաթնաժողովի անցկացմանը, իսկ Հունգարիայում՝ ԹՊԿ-ի ոչ պաշտոնական գագաթնաժողովի անցկացմանը։