ԹՊԿ երկրները համատեղ արբանյակ կարտադրեն

Թյուրքական պետությունների կազմակերպության (ԹՊԿ) անդամ պետությունները 2026 թվականին համատեղ արբանյակ կարտադրեն։

Այս մասին հաղորդում է Caliber.Az-ը՝ հղում անելով Գաբալայի հռչակագրին, որն ընդունվել է կազմակերպության անդամ պետությունների ղեկավարների 12-րդ գագաթնաժողովի արդյունքներով։

Հռչակագրում աջակցություն է հայտնվում անդամ պետությունների առաջին նիստի արդյունքներին, որը տեղի է ունեցել 2025 թվականի հուլիսի 23-ին Ստամբուլում։

Նշվում է, որ խնդիր է դրվել արագացնել 12U OTS-SAT արբանյակի արտադրությունը և արձակումը, որը նախատեսված է թողարկել 2026 թվականին ԹՊԿ-ի դրոշի ներքո՝ որպես անդամ պետությունների համատեղ փորձագիտության և տեխնոլոգիական հնարավորությունների շնորհիվ ձեռք բերված նշանակալի նվաճում։