Տուժող Մամեդովը Բաքվի դատարանում խոսել է հայկական հրթիռից իր տան ավերման մասին

Բաքվի ռազմական դատարանում այսօր շարունակված դատավարության ժամանակ ցուցմունք է տվել տուժող Ինգիլաբ Մամեդովը։

AZERTAC-ի փոխանցմամբ՝ Ինգիլաբ Մամեդովը պատմել է, որ 44-օրյա Հայրենական պատերազմի ժամանակ՝ 2020 թվականի հոկտեմբերի 4-ին, Մինգեչևիրում գտնվող իր երկհարկանի տունը ավերվել է թշնամու հրթիռային հարվածից։ Արդյունքում՝ ինքը և իր երեք անչափահաս երեխաները մնացել են փլատակների տակ և մարմնական վնասվածքներ ստացել։ Մամեդովը շեշտել է, որ իր տան մոտակայքում ռազմական օբյեկտներ չեն եղել։ «Հետագայում մենք իմացանք, որ դա Հայաստանի զինված ուժերի կողմից արձակված «Սմերչ» տեսակի հրթիռ էր», - ասել է տուժողը։

Մեկ այլ տուժող՝ Էլչին Բաղիրովը, պատմել է, որ այդ օրը Մինգեչևիրում գտնվող իր տան մոտ «Սմերչ» հրթիռ է ընկել, որի հետևանքով ինքը նյութական և բարոյական վնաս է կրել։ Էլչին Բաղիրովի խոսքով՝ միջադեպի հետևանքով վիրավորվել են ինքը, մայրը՝ Նաբաթ Բաղիրովան և հորեղբայրը։ Բաղիրովը հավելել է, որ հորեղբայրը վնասվածքների հետևանքով կորցրել է աշխատունակությունը։