Վիետնամի նախագահն ընդունել է Ադրբեջանի գլխավոր դատախազին

Վիետնամի նախագահ Լուոնգ Կուոնգն ընդունել է Ադրբեջանի գլխավոր դատախազ Քյամրան Ալիևին, ով գտնվում է այդ երկրում։

Ինչպես հաղորդում է Caliber.Az-ը, Վիետնամի ղեկավարը նշել է, որ այս այցը կծառայի երկու երկրների միջև բարեկամական հարաբերությունների ամրապնդմանը, մասնավորապես՝ դատաիրավական ոլորտում համագործակցության ընդլայնմանը։

Կուոնգը բարձր է գնահատել Ադրբեջանի ձեռքբերումները նախագահ Իլհամ Ալիևի ղեկավարությամբ քաղաքական կայունության, տնտեսական զարգացման և երկրի միջազգային դիրքի ամրապնդման գործում։

Վիետնամի նախագահը նաև ընդգծել է, որ երկու երկրների ժողովուրդների միջև առկա են պատմականորեն ամուր կապեր, և Ադրբեջանում կրթություն ստացած բազմաթիվ վիետնամցի մասնագետներ բարձր պաշտոններ են զբաղեցնում պետականկառույցներում։