Ուկրաինայի դեսպան. Շնորհակալություն ենք հայտնում Ադրբեջանին կանոնավոր օգնության համար

Ուկրաինան երախտագիտություն է հայտնում Ադրբեջանին կանոնավոր օգնության համար:

Ինչպես հայտնում է Caliber.Az-ը, այս մասին Х սոցիալական ցանցի իր էջում գրել է Ադրբեջանում Ուկրաինայի դեսպան Յուրի Գուսևը:

«Ադրբեջանը մարդասիրական օգնության հերթական խմբաքանակն է ուղարկել Ուկրաինա: Նախագահ Իլհամ Ալիևի կողմից հատկացված 1 միլիոն դոլար արժողությամբ մալուխների և էներգետիկ սարքավորումների խմբաքանակը արդեն ճանապարհին է, նախատեսված է Ուկրաինայի էներգետիկ ենթակառուցվածքի վերականգնման համար: «Երախտապարտ ենք Ադրբեջանին շարունակական աջակցության համար»,- գրել է դիվանագետը։

Նշենք, որ 2022 թվականից ի վեր Ադրբեջանը Ուկրաինային մարդասիրական օգնություն է տրամադրել ավելի քան 40 միլիոն դոլարի չափով։