Վրացական լրատվամիջոցներն անդրադարձել են Ալիևի չինական հեռուստաալիքին տված հարցազրույցին

Ադրբեջանի նախագահ Իլհամ Ալիևի հարցազրույցը չինական CGTN (China Global Television Network) հեռուստաալիքին վրացական մամուլի ուշադրության կենտրոնում է:

Ինչպես հայտնում է AZERTAC-ը, ընթերցողների լայն շրջանակ ունեցող imedinews.ge և primetime.ge տեղեկատվական պորտալները հրապարակել են Ադրբեջանի նախագահի հայտարարությունները՝ ԱՄՆ-ի հետ հարաբերությունների վերաբերյալ։

Հրապարակումներում մեջբերումներ են արվում հարցազրույցից, որում նախագահ Իլհամ Ալիևը նշել է. «Մենք հիշում ենք այն ժամանակները, երբ նախագահ Թրամփը ղեկավարում էր Միացյալ Նահանգները, և մեր հարաբերությունները շատ հաջող էին զարգանում՝ ի տարբերություն վերջին չորս տարիների, երբ դրանք ամբողջովին վատթարացան՝ Ադրբեջանի հանդեպ Բայդենի վարչակազմի անարդար և անազնիվ մոտեցման պատճառով։ Նախագահ Թրամփի հետ աշխատելու մեր նախկին փորձը շատ դրական է եղել։ Մենք ակնկալում ենք, որ այս չորս տարիները, որոնք համարում ենք ամերիկա-ադրբեջանական հարաբերություններում կորցրած տարիներ, կդառնան պատմություն, և մենք կվերսկսենք աշխատանքը»։