Յաշար Գյուլեր. Թուրքական ՌԱՀ-ի արտադրանքը դարձել է Ադրբեջանում համատեղ նախագծերի մաս

Թուրքիայի ռազմարդյունաբերական համալիրի արտադրանքը դարձել է Ադրբեջանում համատեղ նախագծերի մաս։

Ինչպես հաղորդում է Report-ը, այս մասին հայտարարել է՝ Թուրքիայի ազգային պաշտպանության նախարար Յաշար Գյուլերը։
 
«Թուրքիայի պաշտպանական արդյունաբերության արտադրանքը ոչ միայն արդյունավետորեն օգտագործվում է, այլև դարձել է համատեղ նախագծերի մաս աշխարհի գրեթե բոլոր անկյուններում՝ Ադրբեջանից մինչև Ինդոնեզիա, Կատարից մինչև Լեհաստան», - ասել է նա։
 
Նախարարի խոսքով՝ Թուրքիան ամրապնդում է իր տեղն ու աշխարհաքաղաքական դիրքը՝ համաշխարհային անվտանգության ճարտարապետության մեջ։