Ժնևում մերժվել է հակաադրբեջանական բանաձևը

Օգոստոսի 11-ին Շվեյցարիայի խորհրդարանի վերին պալատի՝ Կանտոնների խորհրդի արտաքին հարաբերությունների կոմիտեն մերժել է Ժնևի կանտոնի մի շարք հայամետ պատգամավորների կողմից 2024 թվականի նոյեմբերի 5-ին ներկայացված «Լեռնային Ղարաբաղի բռնակցումը և Ադրբեջանում քաղբանտարկյալների ազատ արձակումը» վերնագրով թիվ 24 321 բանաձևի նախագիծը։

Այս մասին Caliber.Az-ին հայտնել են Շվեյցարիայում Ադրբեջանի դեսպանատնից։

Նշվում է, որ դեսպանատան աշխատանքի շնորհիվ օրակարգից հանվել է նաև կոմիտեի փոխնախագահ Կառլո Սոմարուգայի կողմից ներկայացված «հայ բանտարկյալների ազատ արձակման» և «հայկական մշակութային ժառանգության պաշտպանության» վերաբերյալ միջնորդագիրը, որը հայտնի էր Ադրբեջանի նկատմամբ իր կողմնակալ դիրքորոշմամբ։ Հանձնաժողովը միջնորդագիրը մերժել է 5 կողմ, 4 դեմ և 3 ձեռնպահ ձայներով։

Շվեյցարիայի խորհրդարանի Արտաքին կապերի կոմիտեի հայտարարության մեջ ընդգծվել է, որ վերոնշյալ սադրիչ նախաձեռնությունը միակողմանի բնույթ էր կրում և պարունակում էր բացառապես ադրբեջանական կողմին ուղղված պահանջներ։