ԱԳՆ. Իսպանիան մեծ հեռանկարներ է տեսնում Ադրբեջանի հետ էներգետիկ համագործակցության մեջ

Վերականգնվող էներգիայով զբաղվող իսպանական ընկերությունները կարող են մեծ ներդրում ունենալ Ադրբեջանի հետ համագործակցության ընդլայնման գործում։

Այս մասին Сaliber.Az-ին հայտնել են Իսպանիայի արտաքին գործերի նախարարությունում։

«ԵՄ-ի և Ադրբեջանի միջև ստորագրված Էներգետիկ փոխըմբռնման հուշագիրը մեր երկրների համար համագործակցության հիանալի հեռանկարներ է բացում ոչ միայն այն պատճառով, որ իսպանական Enagas ընկերությունը մասնակցում է Անդրադրիատիկ գազատարի (TAP) նախագծին՝ Հարավային գազային միջանցքի (SGC) հատվածում, բայց նաև այն պատճառով, որ այդ համաձայնագիրը նախատեսում է Ադրբեջանում էներգիայի վերականգնվող աղբյուրների զարգացում»,- ասել են նախարարությունում։

Աղբյուրի խոսքով, ինչ վերաբերում է էներգետիկ ոլորտին, հեռանկարները հատկապես խոստումնալից են իսպանական Tecnicas Reunidas ընկերության համար, որն Ադրբեջանում արդեն լավ է ցուցադրել իրեն՝ Ադրբեջանի Պետնավթընկերության (SOCAR) հետ Հեյդար Ալիևի նավթավերամշակման գործարանի արդիականացման հարցում իր գործընկերության շնորհիվ, և անհամբեր սպասում է այս նախագծի հաջորդ փուլերին մասնակցելուն:

Ադրբեջանի Պետական նավթային հիմնադրամը (SOFAZ) նույնպես կարող է կարևոր դեր խաղալ՝ էներգետիկ ոլորտում համագործակցության ընդլայնման հնարավորությունների իրացման գործում, հավելել են նախարարությունում։